Premios Galicia das Telecomunicacións e da Sociedade da Información 2026
Coa entrega destes galardóns queremos distinguir, un ano máis, o emprendemento, a investigación e as boas prácticas xeradas no ámbito TIC galego por parte de diferentes persoas e entidades.
Miguel Santos Fernández
Premio Enxeñeiro do Ano
Pola súa brillante traxectoria profesional no ámbito das telecomunicacións e, moi especialmente, o orgullo de recoñecer nun compañeiro de profesión a alguén que soubo levar tan lonxe os valores da enxeñería. O papel clave liderando a transformación, integración e expansión das infraestruturas e servizos de conectividade en España, así como a súa contribución ao impulso da innovación e ao desenvolvemento tecnolóxico, especialmente en ámbitos como as redes de nova xeración. A súa visión, compromiso e capacidade para facer realidade proxectos de gran impacto convérteno nun referente indiscutible para todo o sector.
Delegación de Defensa en Galicia
Premio Socio de Honra
En recoñecemento á incuestionable contribución da Delegación de Defensa en Galicia, ao fortalecemento da seguridade e da estabilidade do noso país, así como o seu firme compromiso co progreso, a cooperación institucional e o desenvolvemento tecnolóxico, especialmente no ámbito das telecomunicacións e da defensa. Valorouse moi especialmente o labor que se vén desenvolvendo en Galicia, promovendo a colaboración entre institucións, industria e enxeñería ao servizo da sociedade.
Proxecto de trazabilidade física e asistencial no servizo de urxencias do Complexo Hospitalario Universitario A Coruña – CHUAC
Premio Amtega ao Mellor Proxecto TIC con Beneficios Sociais
Aplicación que combina técnicas avanzadas de xestión de datos e comunicacións para mellorar a eficiencia do servizo de urxencias e a experiencia das persoas acompañantes. Permite localizar e xestionar en tempo real os movementos dos pacientes no hospital, optimizando a atención clínica. Ademais, informa ás persoas acompañantes sobre os desprazamentos e probas realizadas, reducindo a súa preocupación. Recentemente, incorporou tecnoloxías de intelixencia artificial para aumentar aínda máis a súa eficiencia e funcionamento.
David Fernández Iglesias
Premio Mellor Expediente académico no Mestrado en Enxeñaría de Telecomunicación da Universidade de Vigo curso 2024/2025
Este galardón recoñece o esforzo, a excelencia académica e o compromiso co futuro da profesión, distinguindo ao estudante que acadou a mellor cualificación no Universidade de Vigo no curso 2024/2025. Un recoñecemento ao talento emerxente que representa o futuro da enxeñaría de telecomunicación en Galicia e a aposta pola formación como base do desenvolvemento tecnolóxico e da innovación.
